Bojo : Mas, sampeyan biyen kok ga dadi Tentara ae.
Saya : Biyen sik enom sakjane yo pingin Dik, tapi palingo ga ketompo.
Bojo : Opo'o kok rumongso ga ketompo Mas? Wis tahu daftar ta sampeyan iku biyen?
Saya : Durung tahu Dik, tapi dadi Tentara iku kudu pinter tur sehat. Lah aku iki rumongso bodo lan loro-loroen eh Dik, ambekan biyen aku urip nang njoboh.
Bojo : Ketok kok Mas lek sampeyan biyen iku bodo lan loro-loroen, wong saiki ae sik koyok ngono. Sampeyan biyen urip nang njoboh iku nang endi Mas? Luar negri ta?
Saya : Dabak luar negri Dik, duek ae ga gabrek sampe jajan ae ditukokno konco-konco kok. Njoboh iku maksudte njobohe alam sadar Dik, alias ga sadar terus.
Bojo : Oalaa Mas, Mas, ternyata ket cilik toh sampeyan iki ga sadarre. Mangkane saben dino ta dungakno kok ga keturutan. Koyok wong semaput ae Mas sampeyan iku.
Saya : Hehehe, aku iki mek guyon kok Dik. Aku sakjane sadar terus, opo maneh trisnoku nang awakmu, iku sadar puol loh Dik.
Bojo : Ancene guombal mukiyo tok kok sampeyan iku Mas.
Saya : Hehehe, uasli dhuduk gombal kok iku Dik. Ngene yo Dik ta critoni, ate dadi Tentara iku latihanne abot soro. Sekolahne ae 4 tahun, ben esuk kudu tangi esuk-esuk nemen. Tangi turu kudu sembahyang, mari sembahyang kudu mlayu, mari mlayu kudu adus, mari adus kudu sarapan, mari sarapan kudu melok pelajaran, mari pelajaran kudu mlayu maneh. Durung latihan baris, fisik, senjata, dll, sampe tengah wengi kudu koyok ngono terus. Wis ta pokokke abot soro Dik, tur disiplinne luar biasa. Aku ga mungkin kuat Dik, tangiku ae mbangkong, opo maneh dikongkon disiplin.
Bojo : Oalaa Mas, tas ngerti aku lek ate dadi Tentara iku latihanne abot soro. Pantesan sampeyan biyen ga daftar. Tangi esuk ae ga iso, opo maneh dikongkon mlayu, yo keplayon temenan sampeyan. Lah lek ngono laopo sampeyan iku mesti gawe Jaket ijo ta doreng toh Mas?
Saya : Ngeneloh Dik, Jaket ijo ta doreng iku gawe aku dewe artine perjuangan. Utamane perjuangan gawe bahagiano awakmu lan anak-anak.
Bojo : Walah dadine guombal mukiyo maneh Mas. Mbok yo sing saktemenne ae toh Mas crito sampeyan iku.
Saya : Iku temenan kok Dik, dhuduk gombal mukiyo. Aku iki ngajeni temen-temen nang wong sing wis dadi Tentara, karna latihanne abot soro iku mawu. Lek iso lulus, opo maneh dadi komandan, pasti wong hebat iku Dik.
Bojo : Oo ngono ta critone Mas, wis ngerti aku saiki berarti. Buangga aku karo sampeyan Mas, ternyata wonge seneng ngajenni uwong.
Saya : Yo wis sukur lek awakmu wis ngerti Dik. Paling ngga Dik, masio aku ga iso mlebu Tentara, opo maneh latihanne sing abotte soro koyok ngono tapi sik iso gawe Jaket ijo ta dorenge toh Dik.
Bojo : Paham wis an aku Mas. Lek ngono sesuk pas 17-an anak-anak karo sampeyan ta tukokno klambi Tentara sing lengkap sak pangkatte ae yo Mas?
Saya : Loh ate digawe opo Dik?
Bojo : Anak-anak karo sampeyan ta melokno Karnaval keliling Suroboyo. Cekno sampeyan iso luego gawe klambine Tentara, masio mek setengah dino tok Mas!
Charles E. Tumbel.
--- Ide dan kreatifitas seseorang adalah hak milik yang tidak boleh ditiru / digandakan. Dilarang mengcopy artikel ini. Terima kasih. ---
